پنجاب بھرمیں 1422ٹریفک حادثات، 19افراد جاں بحق ،1607زخمی ہوئے ،ترجمان ریسکیو

جمعہ 25 اپریل 2025 19:00

لاہور (اُردو پوائنٹ اخبارتازہ ترین - اے پی پی۔ 25 اپریل2025ء) پنجاب بھرمیں 1422ٹریفک حادثات میں 19افراد جاں بحق اور1607زخمی ہوئے،ترجمان ریسکیو کے مطابق ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1422ٹریفک حادثات پر ریسپانڈ کیا جن میں 669افراد شدید زخمی ہوگئے جنہیں فوری طور پر نزدیکی ضلعی و تحصیل ہسپتالوں میں منتقل کیا گیا جبکہ938معمولی زخمیوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی ، ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 902ڈرائیورز،84کم عمرڈرائیورز، 550مسافراور311پیدل چلنے والے افراد متاثر ہوئے،ترجمان کے مطابق 266ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت317متاثرین کے ساتھ پہلے ،فیصل آباد94حادثات میں 110متاثرین کے ساتھ دوسر ے اورملتا ن79حادثات میں 85متاثرین کے سا تھ تیسرے نمبرپررہا۔