Live Updates

ج*پاک بھارت ٹیموں کو الگ گروپس میں رکھنے کی قیاس آرائیاں دم توڑ گئیں

غ*آئی سی سی ایونٹس میں پاکستان کیخلاف ہماری ٹیم میدان میں اترے گی، راجیو شکلا

ہفتہ 26 اپریل 2025 18:20

لاہور(اُردو پوائنٹ اخبارتازہ ترین - آن لائن۔ 26 اپریل2025ء)بھارتی کرکٹ بورڈ (بی سی سی آئی)نے مستقبل میں ہونیوالے آئی سی سی مقابلوں میں پاک بھارت ٹیموں کو الگ گروپ میں رکھنے کی قیاس آرائیوں کو مسترد کردیا۔میڈیا رپورٹس میں دعوی کیا گیا تھا کہ پہلگام واقعے کے بعد بھارتی کرکٹ بورڈ (بی سی سی آئی)سے منسوب خبریں گردش کررہیں تھی کہ ہوسکتا ہے کہ آئی سی سی مقابلوں میں پاک بھارت ٹیموں کو الگ گروپ میں رکھنے کی درخواست کی جائے۔

تاہم بھارتی بورڈ کے نائب صدر راجیو شکلا نے اپنے بیان میں دوٹوک موقف اپنایا کہ ہم پہلگام واقعہ کے متاثرین کے ساتھ ہیں، ہماری حکومت جو کہے گی، ہم کریں گے۔انکا کہنا تھا کہ پاکستان کیساتھ دوطرفہ سیریز نہیں کھیلیں گے لیکن آئی سی سی ایونٹس میں پاکستان کیخلاف ہماری ٹیم میدان میں اترے گی۔

(جاری ہے)

بی سی سی آئی ذرائع نے تصدیق کی کہ انٹرنیشنل کرکٹ کونسل(آئی سی سی)سے پہلگام واقعے کے بعد پاک بھارت ٹیموں کو الگ گروپس میں رکھنے کے حوالے سے کوئی باضابطہ بات چیت نہیں ہوئی۔

دوسری جانب پاک بھارت ٹیمیں ایشیاکپ میں مدمقابل آئیں گی، ایشین کرکٹ کونسل نے اگلے 4 ایڈیشنز کے میڈیا رائٹس 170 ملین ڈالر میں حاصل کررکھے ہیں۔اس معاہدے میں ایک غیر رسمی معاہدہ شامل ہے جس میں فی ٹورنامنٹ کم از کم دو بھارت-پاکستان فکسچرز ہوں گے، اگر دونوں ٹیمیں فائنل میں ملیں تو تیسرا ممکن ہوگا۔