روس نے یوکرین کے زیر قبضہ اہم علاقہ کرسک کو آزاد کرالیا

محاذ جنگ پر ہلاک اور زخمی یوکرینی فوجیوں کی تعداد 76 ہزار ہے،روسی میڈیا

اتوار 27 اپریل 2025 11:10

ماسکو /کیف(اُردو پوائنٹ اخبارتازہ ترین - این این آئی۔ 27 اپریل2025ء)روس نے یوکرین کے زیر قبضہ اہم علاقہ کرسک کو مکمل آزاد کرالیا ہے۔ روسی میڈیا کے مطابق یوکرین کے زیر قبضہ آخری علاقے گورنال میں بھی تمام حملہ آور یونٹ اور خصوصی دستوں کو شکست دیدی گئی ہے۔

(جاری ہے)

خبر رساں اداروں کے مطابق کرسک ریجن پر یوکرینی فوج نے اگست میں قبضہ کیا تھا جبکہ اسے چھڑانے کی کارروائی چھ مارچ کو شروع کی گئی تھی۔گیارہ سو کلومیٹر کا علاقہ آزاد کرانے میں شمالی کوریا کی فوج کے دستوں نے بھی اہم کردار ادا کیا۔روسی میڈیا کے مطابق محاذ جنگ پر ہلاک اور زخمی یوکرینی فوجیوں کی تعداد 76 ہزار ہے۔