وزیراعظم کی نوازشریف سے ملاقات، پہلگام واقعے کے بعد لیے گئے فیصلوں پر بریفنگ دی

جاتی امراء رائیونڈ میں ہونے والی ملاقات میں ملکی صورتحال پر تبادلہ خیال ہوا، وزیر اعلیٰ پنجاب مریم نواز بھی موجود تھیں

ساجد علی اتوار 27 اپریل 2025 19:06

وزیراعظم کی نوازشریف سے ملاقات، پہلگام واقعے کے بعد لیے گئے فیصلوں ..

لاہور ( اُردو پوائنٹ اخبارتازہ ترین۔ 27 اپریل 2025ء ) وزیراعظم شہباز شریف نے کہا ہے کہ پہلگام واقعہ پری پلان ڈرامہ ہے، بھارت ماضی میں بھی اس طرح کے مختلف ڈرامے کرچکا ہے، سندھ طاس معاہدہ معطل کرنے جیسے فیصلے جنگی حالات میں بھی نہیں کیے گئے۔ تفصیلات کے مطابق وزیر اعظم شہباز شریف نے مسلم لیگ ن کے صدر اور سابق وزیراعظم نواز شریف سے جاتی امراء رائیونڈ میں ملاقات کی، جس میں ملکی صورتحال پر تبادلہ خیال ہوا، ملاقات کے دوران وزیر اعلیٰ پنجاب مریم نواز بھی موجود تھیں، ملاقات میں وزیراعظم نے پہلگام واقعے کے بعد پاکستان کی قومی سلامتی کمیٹی کے اجلاس میں لیے گئے فیصلوں پر نوازشریف کو بریفنگ دی۔

بتایا گیا ہے کہ انہوں نے پہلگام واقعے کے پس منظر میں بھارت کی جانب سے اشتعال انگیز کاروائیوں پاکستان کے مؤقف سے آگاہ کیا، شہبازشریف نے کہا کہ ملک کا مستقبل روشن ہے ہم جاگ رہے ہیں، بھارت نے جارحیت کی تو اینٹ کا جواب پتھر سے دیں گے، پہلگام واقعہ پری پلان ڈرامہ ہے، بھارت ماضی میں بھی اس طرح کے مختلف ڈرامے کرچکا ہے، سندھ طاس معاہدہ معطل کرنے جیسے فیصلے جنگی حالات میں بھی نہیں کیے گئے۔

(جاری ہے)