Live Updates

پی ایس ایل 10، پشاور زلمی کا کوئٹہ گلیڈی ایٹرز کیخلاف ٹاس جیت کر باولنگ کا فیصلہ

پوائنٹس ٹیبل پر پشاور چوتھے جبکہ کوئٹہ کی ٹیم پانچویں نمبر پر ہے

ذیشان مہتاب اتوار 27 اپریل 2025 19:34

پی ایس ایل 10، پشاور زلمی کا کوئٹہ گلیڈی ایٹرز کیخلاف ٹاس جیت کر باولنگ ..

لاہور (اردو پوائنٹ تازہ ترین اخبار ۔ 27 اپریل 2025ء) پاکستان سپر لیگ 10 کے 17ویں مقابلے میں پشاور زلمی نے کوئٹہ گلیڈی ایٹرز کیخلاف ٹاس جیت کر پہلے باولنگ کرنے کا فیصلہ کیا ہے۔

پاکستانی شائقین کے دلوں کے قریب پی ایس ایل 10 کا راولپنڈی کرکٹ اسٹیڈیم میں ایک رنگارنگ تقریب سے آغاز ہوگیا، پی ایس ایل 10 کے میچز قذافی سٹیڈیم، لاہور، راولپنڈی کرکٹ اسٹیڈیم اور نیشنل بینک سٹیڈیم ،کراچی میں کھیلے جائیں گے۔

قذافی سٹیڈیم، لاہور 18 مئی کو ہونے والے فائنل کی میزبانی کرے گا۔

اسلام آباد یونائیٹڈ واحد ٹیم ہے جس نے پی ایس ایل تین مرتبہ ( 2016ء، 2018ء، 2024ء) جیتی ہے جب کہ لاہور قلندرز نے دو مرتبہ ( 2022ء، 2023ء) ٹائٹل جیتا ہے۔

پی ایس ایل 10 میں کرکٹ کے دنیا کے کئی بڑے نام کمنٹری میں نظر آئیں گے جن میں انگلینڈ کے سابق ٹیسٹ کپتان سر ایلیسٹر کک اور ایم سی سی کے سابق صدر مارک نکولس کے نام قابل ذکر ہیں۔

(جاری ہے)

پی ایس ایل میں شائقین کی دلچسپی کے لیے مختلف اقدامات کیے گئے ہیں جن میں پہلی مرتبہ ہر میچ میں مکمل اردو کمنٹری ، میچوں کے دوران ریفل ٹکٹ کے ذریعے انعامات اور نئی جدت کے ساتھ پلیئر ٹریکنگ ٹیکنالوجی کا متعارف کرایا جانا شامل ہے۔

ناظرین اس پی ایس ایل میں 32 کیمروں اور جدید ٹیکنالوجی کے ساتھ کوریج کے اعلی معیار سے لطف اندوز ہوسکیں گے اور یہ ایونٹ مختلف چینلز اور ڈیجیٹل پلیٹ فارمز کے ذریعے دنیا بھر میں دیکھا جاسکے گا۔