Live Updates

پاکستان سے ایک اورکھیل میں بھارت بھاگ نکلا

بھارت نے اسلام آباد میں ہونیوالی سینٹرل ایشیاء والی بال چیمپئن شپ سے راہ فراراختیارکرلی

پیر 28 اپریل 2025 12:59

اسلام آباد(اُردو پوائنٹ اخبارتازہ ترین - این این آئی۔ 28 اپریل2025ء)بھارت کھیل کے میدان میں پاکستان کا سامنا کرنے کو تیار نہیں، مودی سرکاری کے زیراثر شعبہ کھیل نے ایک اور اوینٹ سے دستبرداری اختیار کر لی۔بھارت نے سینٹرل ایشیاء والی بال چیمپئن شپ سے راہ فرار اختیار کر لی۔ چیمپئن شپ رواں سال 28 مئی سے اسلام آباد میں شیڈول ہے جس میں اب بھارتی ٹیم شرکت نہیں کرے گی۔

(جاری ہے)

انڈین والی بال فیڈریشن کا کہنا ہے کہ بھارتی حکومت نے اجازت نامہ منسوخ کر دیا ہے اور اس حوالے سے پاکستان کو صورتحال سے آگاہ کردیا ہے۔چیمپئن شپ میں ایران، قازقستان، ترکمانستان، ازبکستان، سری لنکا کی ٹیمیں شریک ہوں گی۔ایران، کرغزستان، ترکمانستان اور ازبکستان کی ٹیمیں پہلے ہی اپنی شرکت کی تصدیق کر چکی ہیں جب کہ سری لنکا کی جانب سے بھی آنے والے دنوں میں اپنے داخلے کا اعلان متوقع ہے۔ایک امید افزا پیشرفت میں، روسی والی بال ٹیم نے بین الاقوامی میچوں کی سیریز کے لیے جون میں پاکستان کے دورے کی تصدیق کر دی ہے۔