Live Updates

ا*بھارت کا فرانس سے 26 رافیل میرین جنگی طیاروں کی خریداری کا معاہدہ

پیر 28 اپریل 2025 20:45

ہ نئی دہلی (اُردو پوائنٹ اخبارتازہ ترین - آن لائن۔ 28 اپریل2025ء)بھارت اور فرانس کے درمیان 26 رافیل میرین جنگی طیاروں کی خریداری سے متعلق معاہدہ طے پا گیا۔بھارتی میڈیا کی رپورٹ کے مطابق 63 ہزار کروڑ بھارتی روپے مالیت کے اس معاہدے میں 22 سنگل سیٹ اور 2 ٹو سیٹر اقسام کے طیارے بھارت کو فروخت کیے جائیں گے ۔

(جاری ہے)

معاہدے کے تحت فرانسیسی ساختہ یہ طیارے بھارتی بحریہ کے طیارہ بردار بحری جہازوں سے آپریٹ کیے جائیں گے اور روسی ساختہ مِگ 29 کے طیاروں کی جگہ لیں گے۔بھارتی وزارت دفاع کے مطابق اس معاہدے میں 26 طیاروں سمیت پائلٹس کی تربیت، سیمولیٹرز، متعلقہ آلات، ہتھیار اور کارکردگی پر مبنی لاجسٹک سپورٹ بھی شامل ہے، جن کی فراہمی 2031 تک مکمل ہونے کی متوقع ہے۔