کوئٹہ سے (آج)پہلی حج پروازمسافروں کو لیکر سعودی عرب روانہ ہوگی، گورنر تمام معزز عازمین کوروانہ کریںگے

پیر 28 اپریل 2025 21:45

کوئٹہ(اُردو پوائنٹ اخبارتازہ ترین - این این آئی۔ 28 اپریل2025ء)کوئٹہ انٹرنیشنل ایئرپورٹ سے پہلی حج پرواز 150 حج کا فریضہ ادا کرنے والے مسافروں کو لیکر (آج)منگل کی صبح سعودی عرب روانہ ہوگی۔ گورنربلوچستان جعفر خان مندوخیل تمام معزز عازمین حج کو الوداع کہیں گے۔

(جاری ہے)

کوئٹہ سے براہ راست پروازوں کا سلسلہ بلوچستان کے عوام کیلئے سعودی عرب جانے کی بڑی سہولت مسیر آئی ہے اس ضمن میں قومی ایرلائن پی آئی اے اور دیگر متعلقہ حکام کی کاوشیں خراج تحسین کے مستحق ہیں۔واضح رہے کہ کوئٹہ سے جانے پروازوں سے حج اور عمرہ کی سعادت حاصل کرنے والوں کے ساتھ دیگر مسافر بھی استفادہ کر رہے ہیں توقع ہے کہ ہوائی سفر کے اس اقدام کو وقت کے ساتھ مزید استحکام ملے گا۔