پنجاب میں گھر بیٹھے گاڑیوں کے پرکشش نمبروں کے حصول کیلئے ای آکشن ایپ اور ویب پورٹل پر رجسٹریشن کا آغاز

منگل 29 اپریل 2025 11:20

لاہور (اُردو پوائنٹ اخبارتازہ ترین - اے پی پی۔ 29 اپریل2025ء) پنجاب آئی ٹی بورڈ کی محکمہ ایکسائز پنجاب کے اشتراک سے وضع کردہ ای آکشن ایپ اور ویب پورٹل پر گھر بیٹھے گاڑیوں کے پرکشش نمبروں کے حصول کیلئے رجسٹریشن کا آغاز کر دیا گیا۔اپنی پسند کے نمبر کے حصول کیلئے خواہشمند افراد30 اپریل تک رجسٹریشن کروا سکتے ہیں۔

(جاری ہے)

ای آکشن ایپ میں موٹر سائیکل اور موٹر کار کے نمبروں کی نیلامی شامل ہے اور بولی جیتنے والوں کی تفصیلات بھی ای آکشن ایپ پر دیکھی جا سکیں گی۔

اس حوالے سے پی آئی ٹی بی چیئرمین فیصل یوسف کا کہنا تھا کہ ای آکشن سسٹم شفافیت کے فروغ کے ساتھ ساتھ کرپشن اور ایجنٹ مافیا کے خاتمے میں بھی موثر کردار ادا کر رہا ہے۔ اس جدید نظام کی بدولت شہری گھر بیٹھے آن لائن بولی میں حصہ لے سکتے ہیں اور اپنی پسند کا نمبر باآسانی حاصل کر سکتے ہیں۔