متحدہ عرب امارات ، دبئی اور شارجہ کے درمیان نئی بس سروس کا آغاز 2 مئی سے ہوگا

منگل 29 اپریل 2025 13:17

دبئی(اُردو پوائنٹ اخبارتازہ ترین - این این آئی۔ 29 اپریل2025ء)دبئی ٹرانسپورٹ اتھارٹی نے جمعہ 2 مئی سے دبئی اور شارجہ کے درمیان نئی انٹر سٹی بس سروس شروع کرنے کا اعلان کیا ہے۔ امارات کی سرکاری خبررساں ایجنسی کے مطابق یہ دبئی اور شارجہ میں ٹریفک اژدحام سے نمٹنے کے لیے اتھارٹی کا نیا اقدام ہے۔نیا روٹ ای 308 دبئی کے سٹیڈیم بس سٹیشن کو شارجہ کے الجبیل بس سٹیشن سے جوڑے گا۔

(جاری ہے)

یکطرفہ کرایہ 12 درھم ہوگا۔روڈز اینڈ ٹرانسپورٹ اتھارٹی (آر ٹی ای) میں پلاننگ اینڈ بزنس ڈیولپمنٹ کے ڈائریکٹر عادل شاکری نے کہا کہ نئی بس سروس کا آغاز میٹرو، ٹرام اور بحری ٹرانسپورٹیشن کے ساتھ پبلک ٹرانسپورٹ نیٹ ورک کو مربوط کرنے کی مسلسل کوششوں کا حصہ ہے۔آر ٹی اے کا کہناتھا 2 مئی سے بس سروس کو ری روٹ کرنے سے مسافروں کو زیادہ موثر اور آرام دہ سفر کا تجربہ ملے گا۔