اردو ادب کے معروف ناول نگار اے حمید کومداحوں سے بچھڑے 14برس بیت گئے

نوے کی دہائی میں انہوں نے بچوں کے لیے ایک سلسلہ وار ڈرامہ ’عینک والاجن‘ کے نام سے لکھا جوبے حد مقبول ہوا

منگل 29 اپریل 2025 13:37

لاہور (اُردو پوائنٹ اخبارتازہ ترین - این این آئی۔ 29 اپریل2025ء)اردو ادب کے معروف ناول نگار اے حمیدکو مداحوں سے بچھڑے 14برس بیت گئے۔ اے حمید (عبدالحمید) کا شمار اردو کے مقبول ترین کہانی کاروں میں ہوتا ہے۔ ملک بھرمیںانہوں نے دو سو سے زیادہ افسانے، ناول اور ڈرامے لکھے۔اے۔

(جاری ہے)

حمید کا پہلا افسانوی مجموعہ ’منزل منزل‘ کے نام سے شائع ہوا نوے کی دہائی میں انہوں نے بچوں کے لیے ایک سلسلہ وار ڈرامہ ’عینک والاجن‘ کے نام سے لکھا یہ ٹی وی ڈرامہ بے پناہ مقبول ہوا۔

اے حمیدکی تحریر کردہ کتابوں کی تعداد دوسو سے زیادہ ہے۔ ان کی مقبول عام کتابوں میں پازیب،پھر بہار آئی، شہکار، مرزا غالب رائل پارک میں، جہنم کے پجاری، بگولے، دیکھوشہر لاہور، جنوبی ہند کے جنگلوں میں، گنگا کے پجاری ناگ، پہلی محبت کے آنسو، ویران حویلی کا آسیب، اداس جنگل کی خوشبو، چاند چہرے اور گلستان ادب کی سنہری یادیں، خفیہ مشن، وغیرہ شامل ہیں۔اے حمید29اپریل2011ء کو انتقال کر گئے۔