پولیس نے حمیرا اصغر کے موبائل فونز اور لیپ ٹاپ سے ڈیٹا حاصل کرلیا

ہفتہ 12 جولائی 2025 20:25

کراچی (اُردو پوائنٹ اخبارتازہ ترین - این این آئی۔ 12 جولائی2025ء)پولیس نے کراچی کے علاقے ڈیفنس فیز 6 کے فلیٹ سے مردہ پائی جانے والی اداکارہ حمیرا اصغر کے الیکٹرونکس گیجٹس کھول لئے۔کراچی فیز 6کے فلیٹ میں مردہ پائی جانے والی اداکارہ حمیرا اصغرکے کیس میں تحقیقات مزید آگے بڑھی ہیں، پولیس نے ادکارہ کے استعمال میں رہنے والے گیجٹس حاصل کرکے کھول لئے ہیں۔

(جاری ہے)

پولیس کے مطابق حمیرا کے پاس 3موبائل فونز، ایک ٹیبلٹ اور ایک لیپ ٹاپ تھا جس کے پاسورڈز ان کی ڈائری میں درج تھے جس کی مدد سے پولیس نے ان گیجٹس کا ڈیٹا حاصل کرلیا ہے۔پولیس کے مطابق 2افراد کے بیانات بھی قلمبندکرلئے گئے ہیں جبکہ مزید 2 افرادکو طلب کیا گیا ہے۔پولیس کے مطابق اداکارہ جم اور بیوٹیشن کے پاس جاتی تھیں، تحقیقات آگے بڑھانے میں ادکارہ کے جِم ٹرینر سمیت دیگر افراد سے بھی مدد لی جائیگی۔پولیس حکام کے مطابق اداکارہ کا چند لوگوں سے رابطہ رہاہے جب کہ ادکارہ کی بینک اکائونٹس کی بھی جانچ پرتال کی جارہی ہے۔