Live Updates

محسن نقوی کی فضل الرحمان سے ملاقات، وفاقی وزیر داخلہ نے بھارت کے یکطرفہ اقدامات پر پاکستان کے موقف اور فیصلوں پر اعتماد میں لیا

وفاقی وزیر داخلہ نے سربراہ جے یو آئی کو نیشنل سکیورٹی کمیٹی کے فیصلوں کے بارے بھی آگاہ کیا، دونوں رہنماﺅں کے درمیان ملاقات میں باہمی دلچسپی کے امور، پاک بھارت کشیدگی سمیت دیگر امور پر تبادلہ خیال کیا گیا

فیصل علوی منگل 29 اپریل 2025 13:30

محسن نقوی کی فضل الرحمان سے ملاقات، وفاقی وزیر داخلہ نے بھارت کے یکطرفہ ..

اسلام آباد(اردوپوائنٹ اخبار تازہ ترین۔29اپریل 2025)وفاقی وزیر داخلہ محسن نقوی نے جمعیت علماءاسلام (ف)کے سربراہ مولانا فضل الرحمان سے ملاقات کی،وفاقی وزیر داخلہ نے سربراہ جے یو آئی(ف) کو بھارت کے یکطرفہ اقدامات پر پاکستان کے موقف اور فیصلوں پر اعتماد میں لیا،محسن نقوی اور مولانا فضل الرحمان کے درمیان ملاقات میں باہمی دلچسپی کے امور، پاک بھارت کشیدگی سمیت دیگر امور پر تبادلہ خیال کیا گیا۔

وفاقی وزیر داخلہ نے سربراہ جے یو آئی کو نیشنل سکیورٹی کمیٹی کے فیصلوں کے بارے بھی آگاہ کیا۔ وفاقی وزیر داخلہ محسن نقوی نے اس موقع پر مولانا فضل الرحمان کی خیریت دریافت کی اور ان کی صحت کیلئے نیک خواہشات کا اظہار بھی کیا۔ اس موقع پر گفتگو کرتے ہوئے جمعیت علماءاسلام ِ(ف)کے سربراہ مولانا فضل الرحمان نے کہا کہ نریندر مودی مسلمان دشمن ہے۔

(جاری ہے)

اسلام اور مسلمان کے مقابلے میں جہاں کوئی محاذ ملے گا مودی وہاں کھڑا ہوگا۔وفاقی وزیر داخلہ محسن نقوی نے گفتگو کرتے ہوئے کہا کہ بھارت آگ سے کھیلنے کی کوشش کر رہا ہے۔ پاکستان کسی بھی مہم جوئی کا پوری قوت سے جواب دے گا۔ واضح رہے کہ اس سے قبل وفاقی وزیر داخلہ نے صدر مملکت آصف علی زرداری سے ملاقات کی تھی۔وفاقی وزیر داخلہ نے صدر آصف زرداری کوپہلگام واقعے کے بعد بھارت کے غیر ذمہ دارانہ اقدامات کے تناظر میں تفصیلی بریفنگ دی تھی۔

محسن نقوی نے صدر آصف علی زرداری کو قومی سلامتی کمیٹی کے فیصلوں سے متعلق آگاہ کیاتھا۔اس موقع پر گفتگو کرتے ہوئے صدر مملکت آصف علی زرداری کا کہنا تھا پہلگام واقعے کے بعد بھارتی اقدامات کے جواب میں قومی سلامتی کمیٹی نے پاکستانی قوم کی امنگوں کی ترجمانی کی تھی۔ بھارت کے بے بنیاد الزامات اور غیر منطقی اقدامات کا کوئی جواز نہیں بنتا تھا۔

قومی سلامتی کمیٹی کے تمام فیصلے قوم کے دل کی آواز تھے۔ صدر آصف علی زرداری نے قومی سلامتی کمیٹی کے بروقت، فوری اور دور اندیش قومی اقدامات اور فیصلوں کو سراہاتھا۔صدر مملکت کامزید یہ بھی کہنا تھا کہ قومی سلامتی کمیٹی کے تمام فیصلے قوم کے دل کی آواز تھے اور کمیٹی نے پاکستانی قوم کی امنگوں کی ترجمانی کی تھی۔ پوری قوم سلامتی کمیٹی کے فیصلوں اور اقدامات کے ساتھ کھڑی تھی۔وزیر داخلہ محسن نقوی کاگفتگو کے دوران کہنا تھا کہ دشمن کسی غلط فہمی میں نہ رہے، پاکستان کا دفاع الحمد اللہ ِ ناقابل تسخیر ہے۔صدر مملکت آصف علی زرداری کا کہنا تھا کہ بھارت کے بے بنیاد الزامات اور غیر منطقی اقدامات کا کوئی جواز نہیں بنتا تھا۔