صدر مملکت آصف علی زرداری کا تربت میں 3 دہشت گرد جہنم واصل کرنے پر سکیورٹی فورسز کو خراج تحسین

منگل 29 اپریل 2025 22:10

اسلام آباد (اُردو پوائنٹ اخبارتازہ ترین - اے پی پی۔ 29 اپریل2025ء) صدر مملکت آصف علی زرداری نے ضلع کیچ کے علاقے تربت میں کارروائی میں سکیورٹی فورسز کی جانب سے 3 دہشت گرد جہنم واصل کرنے پر فورسز کو خراج تحسین پیش کیا ہے۔

(جاری ہے)

منگل کو ایوان صدر کے میڈیا ونگ کی جانب سے جاری بیان کے مطابق صدر مملکت نے تربت میں کارروائی کے دوران 3 دہشت گردوں کا قلع قمع کرنے پر سکیورٹی فورسز کی بہادری کو سراہا۔ انہوں نے کہا کہ دہشت گردوں کے مکمل خاتمے تک سکیورٹی فورسز کی کارروائیاں جاری رہیں گی۔ صدر مملکت نے دہشت گردی کے ناسور کے مکمل خاتمے کے قومی عزم کا اظہار کرتے ہوئے کہا کہ دہشت گرد عناصر کے خاتمے اور ملکی دفاع کے لیے ہمارا عزم غیر متزلزل رہے گا۔