بھارت،شوہر سے داڑھی پر اختلاف، خاتون دیور کے ساتھ بھاگ گئی

خاتون کے اہلِ خانہ کااظہارلاتعلقی کا، عرشی نے 5 لاکھ روپے کا مطالبہ بھی کردیا

جمعرات 1 مئی 2025 17:58

نئی دہلی(اُردو پوائنٹ اخبارتازہ ترین - این این آئی۔ 01 مئی2025ء)بھارتی علاقے میرٹھ سے تعلق رکھنے والی ایک خاتون اپنے ہی دیور کے ساتھ گھر سے بھاگ گئی۔بھارتی میڈیا رپورٹس کے مطابق عرشی نامی خاتون کی شادی شاکر نامی شخص سے 7 ماہ قبل ہوئی تھی، جس کے بارے میں خاتون نے شوہر کے سامنے اعتراف کیا تھا کہ یہ شادی زبردستی کروائی گئی ہے۔خاتون نے اپنے باریش شوہر سے داڑھی منڈوانے کا مطالبہ بھی کیا جس پر شوہر نے انکار کردیا اور یہ ان دونوں کے درمیان جھگڑے کی وجہ بن گیا۔

شاکر کے مطابق شادی کے فورا بعد ہی عرشی نے داڑھی منڈوانے کے لیے دبا ڈالنا شروع کردیا تھا، عرشی نے مجھ سے خاندانی دبا میں آکر شادی کی اور ساتھ رہنے کیلیے داڑھی منڈوانے کی شرط رکھ دی جس پر میں راضی نہیں تھا، اس حوالے سے اپنے سسرالیوں کو بھی شکایت کی، جو بیسود ثابت ہوئی۔

(جاری ہے)

شاکر کا کہناتھا کہ اسی دوران عرشی کا اس کے چھوٹے بھائی کے ساتھ افیئر شروع ہوگیا اور دونوں گھر چھوڑ کر 3 فروری کو فرار ہوگئے۔

انہوں نے بتایا کہ بدنامی کے خوف سے ہم نے خود انہیں تلاش کرنے کی کوشش کی لیکن ناکام رہے تو عرشی کے اہلِ خانہ کو مطلع کرنے کے بعد پولیس میں شکایت درج کروا دی ہے۔شاکر کے مطابق عرشی کے اہلِ خانہ نے اس سے لاتعلقی کا اظہار کیا ہے جبکہ عرشی نے 5 لاکھ روپے کا بھی مطالبہ بھی کر رکھا ہے۔