پولیس ہیروز کی لازوال قربانیوں کو ہمیشہ یاد رکھا جائے گا،ڈی پی او سیالکوٹ

جمعہ 2 مئی 2025 11:30

سیالکوٹ (اُردو پوائنٹ اخبارتازہ ترین - اے پی پی۔ 02 مئی2025ء) سیالکوٹ پولیس گارڈ نے شہیدکانسٹیبل محمد تاج الہی کی برسی کے موقع پر قبر پر حاضری دی ،پولیس کے چاق و چوبند دستے نے شہیدکی قبر کو سلامی پیش کی اور پھولوں کی چادر چڑھائی۔ اس موقع پر شہیدکانسٹیبل محمد تاج الہی کے اہل ِ خانہ بھی موجود تھے۔

(جاری ہے)

ترجمان کے مطابق ڈی پی او سیالکوٹ فیصل شہزاد نے سیالکوٹ پولیس کے شہدا کو خراج عقیدت پیش کرتے ہوئے کہا کہ پولیس ہیروز کی لازوال قربانیوں کو ہمیشہ یاد رکھا جائے گا،فرض کی راہ میں جانیں قربان کرنے والے شہدا ہمارا قیمتی اثاثہ ہیں، شہیدکانسٹیبل محمد تاج الہی کی جرات اور بہادری پوری فورس کیلئے مشعل راہ ہے۔

انہوں نے کہا کہ سیالکوٹ پولیس کے شہدا کے اہل ِ خانہ کی ویلفیئر کیلئے بھر پور اقدامات کئے جا رہے ہیں، پولیس کا ہر جوان سماج دشمن عناصر کے خلاف سیسہ پلائی دیوار بن کرکھڑا ہے۔

Facebook Twitter Google + Share on Whatsapp

پولیس ہیروز کی لازوال قربانیوں کو ہمیشہ یاد رکھا جائے گا،ڈی پی او سیالکوٹ

متعلقہ عنوان :

مزید قومی خبریں