ہری پور،ایس پی انوسٹی گیشن کا مثالی اقدام، سائلین کیلئے دروازے 24 گھنٹے کھلے رکھنے کا فیصلہ

جمعہ 2 مئی 2025 13:40

ہری پور (اُردو پوائنٹ اخبارتازہ ترین - اے پی پی۔ 02 مئی2025ء) ایس پی انوسٹی گیشن ہری پور جمیل الرحمٰن نے عوامی خدمت کی ایک نئی مثال قائم کرتے ہوئے سائلین کیلئے اپنے دفتر کے دروازے ہر وقت کھلے رکھنے کا اعلان کیا ہے۔ ان کا کہنا ہے کہ عوامی مسائل کا بروقت اور موثر حل ان کی اولین ترجیح ہے۔

(جاری ہے)

خصوصی طور پر بزرگ شہریوں اور معذور افراد کیلئے انہوں نے ایک منفرد قدم اٹھایا ہے جو افراد جسمانی کمزوری یا دیگر مسائل کے باعث دفتر کی بالائی منزل پر آنے سے قاصر ہیں، وہ فون کال کے ذریعہ رابطہ کریں تو ایس پی خود نیچے آ کر ان کے مسائل سنیں گے۔

اس انسان دوست رویہ اور عوامی خدمت کے جذبہ کو ضلعی سطح پر بے حد سراہا جا رہا ہے۔ مختلف شعبہ ہائے زندگی سے تعلق رکھنے والے افراد نے اس اقدام کو خوش آئند قرار دیتے ہوئے امید ظاہر کی ہے کہ اس سے پولیس اور عوام کے درمیان اعتماد کی فضا مزید مضبوط ہو گی۔ عوامی ریلیف اور سہولت کو مدنظر رکھتے ہوئے ایس پی جمیل الرحمٰن کی یہ کاوش ہری پور پولیس کے مثبت چہرے کو اجاگر کرتی ہے جو دیگر اضلاع کیلئے بھی ایک قابل تقلید مثال بن سکتی ہے۔

Facebook Twitter Google + Share on Whatsapp

ہری پور،ایس پی انوسٹی گیشن کا مثالی اقدام، سائلین کیلئے دروازے 24 گھنٹے کھلے رکھنے کا فیصلہ

متعلقہ عنوان :

مزید قومی خبریں