سعودی عرب کے تیونس انٹرنیشنل بک فیئر میں6 ہزار قرآنِ مجید کے نسخے تقسیم

ہفتہ 3 مئی 2025 12:00

ریاض (اُردو پوائنٹ اخبارتازہ ترین - اے پی پی۔ 03 مئی2025ء) سعودی وزارت اسلامی امور، دعوت و رہنمائی نے تیونس کے 39 ویں انٹرنیشنل بک فیئر میں آنے والے وزیٹرمیں قرآنِ مجید کے6ہزار سے زائد نسخے تقسیم کیے ہیں۔اردو نیوز کےمطابق یہ تقسیم بک فیئر کے آغاز کے ساتھ ہی 25 اپریل سے شروع ہوئی، یہ ایونٹ چار مئی تک جاری رہے گا۔

(جاری ہے)

مملکت کے پویلین میں آنے والے قرآن مجید کی طباعت کے لیے قائم کنگ فہد کمپلیکس کے وسیع ذخیرے کا مشاہدہ کرسکتے ہیں۔

پویلین میں آنے والے افراد انٹرایکٹیو الیکٹرانک ایپلی کیشنز کے ایک وسیع سلسلے کا بھی تجربہ کر سکتے ہیں، جو تعلیمی مواد اور دینی خدمات فراہم کرتی ہیں۔نمایاں ایپلی کیشنز میں تھری ڈی حج و عمرہ ایپلی کیشن، صحیح حوالہ جات کی ایپلی کیشن اور ورچوئل رئیلیٹی کے تجربات شامل ہیں جو زائرین کو مسجدالحرام اور مسجد نبوی کا ورچوئل دورہ کراتے ہیں۔