Live Updates

حکومت صحافت کی آزادی اور تحفظ کے لیے ہر ممکن اقدامات جاری رکھے گی, ڈاکٹر طارق فضل چوہدری

ہفتہ 3 مئی 2025 15:43

اسلام آباد(اُردو پوائنٹ اخبارتازہ ترین - این این آئی۔ 03 مئی2025ء)وفاقی وزیر برائے پارلیمانی امور ڈاکٹر طارق فضل چودھری نے عالمی یومِ آزادیِ صحافت کے موقع پر اپنے پیغام میں کہا ہے کہ آزادی صحافت جمہوری اقدار کے فروغ کے لیے ناگزیر ہے اور ایک مہذب معاشرے کی بنیاد آزاد، خودمختار اور ذمہ دار صحافت پر ہی استوار ہوتی ہے۔

(جاری ہے)

وفاقی وزیر نے کہا کہ پاکستان کی صحافتی برادری نے ہمیشہ سچ اور حقائق کو منظر عام پر لانے کے لیے جرات مندانہ کردار ادا کیا ہے اور اپنی جانوں کا نذرانہ دے کر آزادی اظہار کی شمع کو روشن رکھا ہے۔

وفاقی وزیر نے اس عزم کا بھی اظہار کیا کہ حکومت صحافت کی آزادی اور تحفظ کے لیے ہر ممکن اقدامات جاری رکھے گی اور صحافیوں کے مسائل کو حل کرنے کیلئے بھرپور تعاون فراہم کرے گی۔