سیالکوٹ، پارلیمانی سیکرٹری بلدیات چوہدری خرم خان ورک کی قیادت میں پاک فوج سے اظہار یکجہتی کے لیے ریلی

ہفتہ 3 مئی 2025 15:54

سیالکوٹ (اُردو پوائنٹ اخبارتازہ ترین - اے پی پی۔ 03 مئی2025ء) پارلیمانی سیکرٹری بلدیات چوہدری خرم خان ورک کی قیادت میں پاک فوج سے اظہار یکجہتی ریلی کا انعقاد ڈیرہ ذیلدار ہاؤس ورک سے کیا گیا جو حیدری چوک بڈیانہ پر اختتام پذیر ہوئی۔ پارلیمانی سیکرٹری بلدیاتچوہدری خرم خان ورک نے ریلی کی قیادت کی ۔

(جاری ہے)

چئیرمین یوسی بن باجوہ چوہدری اسلم نواب، چیئرمین یوسی جودھالہ چوہدری اکبر گجر ، چیئرمین یوسی چاہڑ باجوہ ملک اختر عباس چاند ، چیئرمین یوسی بڈیانہ مشتاق گورسی، وحید جندران کونسلر اور حلقہ PP-48 کے ساتھی بھی اس ریلی میں شریک تھے۔

ریلی کے شرکا نے پاک فوج زندہ باد ، قدم بڑھاؤ پاک فوج ہم تمہارے ساتھ ہیں کے نعرے لگائے۔ ریلی کے شرکا نے ہاتھوں میں بینرز اور پلے کارڈز اٹھا رکھے تھے جن پر پاک فوج کے ساتھ اظہار یکجہتی کے نعرے درج تھے۔ ریلی کے اختتام پر ملکی سلامتی و استحکام کے لیے دعا کی گئی۔