مظفرآباد،ڈپٹی انسپکٹر جنرل پولیس ریجن یاسین قریشی کا منشیات سے پاک ویژن پر عملدرآمد دھڑلے سے جاری

اتوار 4 مئی 2025 13:25

مظفرآباد(اُردو پوائنٹ اخبارتازہ ترین - این این آئی۔ 04 مئی2025ء)ڈپٹی انسپکٹر جنرل پولیس ریجن یاسین قریشی کا منشیات سے پاک ویژن پر عملدرآمد دھڑلے سے جاری ، ایس ایس پی مظفرآباد سید ریاض حیدر بخاری کی خصوصی ہدایت ایس ایچ او تھانہ سی آئی اے انسپکٹر جاوید احمد گوہر کی منشیات فروشوں اور سماج دشمن عناصر کے خلاف کریک ڈائون کا سلسلہ جاری، 02 کلو 20 گرام ہیروئن ، 03 بوتل شراب (الکوحل) ، 01 رائفل معہ میگزین ، 01 پستول معہ میگزین، 10 دانہ روند برآمدکر لے ، ملزمان کے خلاف منشیات ایکٹ اور ناجائز اسلحہ رکھنے کے مقدمات درج ، تفتیش شروع، تفصیلات کے مطابق ایس ایچ او تھانہ سی آئی اے جاوید احمد کی نگرانی میں منیر احمد اے ایس آئی نے مع پولیس ٹیم کارروائی کرتے ہوئے بلال ولد صغیر سکنہ وارڈ نمبر26 مظفرآباد کے قبضہ سے 03 بوتل شراب (الکوحل) برآمد کرتے ہوئے ملزم کو حوالات میں بند کر دیا گیا۔

(جاری ہے)

دوسری کارروائی پولیس ٹیم کارروائی کرتے ہوئے محمد نصیر خان ولد غلام حسن سکنہ آرلیاں پٹہکہ کے قبضہ سے 02کلو 20 گرام ہیروئن اور اسلحہ ناجائز 01 رائفل فولڈنگ معہ میگزین،01، پستول معہ میگزین، 10 دانہ روند برآمد کر کے ملزم کے خلاف مقدمہ درج کرتے ہوئے تفتیش شروع کر دی ہے ،جس مزید اہم انکشافات کی توقع کی جا رہی ہے ۔، انسپکٹر تھانہ پولیس سی آئی اے جاوید گوہر نے مذید کہا کہ ان کی ٹیم پوری جانفشانی سے اپنے فرائض منصبی کی ادائیگی کررہی ہے ، عوام کی جان و مال کے تحفظ کے ساتھ ساتھ خطہ کو منشیات سے پاک کرنے کے لئے ہر ممکن کوشش کی جارہی ہے ۔

شہری اپنے ارد گرد ایسے شر پسند عناصر جو نسل نوکی تباہی کا سبب بن رہے ہیں نظر رکھیں اور ایسے عناصر کے خلاف پولیس کے ساتھ تعاون کریں ان کے نام صیغہ راز میں رکھا جائے گا -