Live Updates

پہلی سپرلیگ ویمن تھرو بال کی تیاریوں کے سلسلے میں آرگنائزنگ کمیٹی کا اجلاس

اتوار 4 مئی 2025 18:10

اسلام آباد (اُردو پوائنٹ اخبارتازہ ترین - اے پی پی۔ 04 مئی2025ء) پہلی سپرلیگ ویمن تھرو بال کی تیاریوں کے سلسلے میں آرگنائزنگ کمیٹی کا اجلاس گزشتہ روز کراچی میں منعقد ہوا۔ اجلاس کی صدارت چیئرمین آرگنائزنگ کمیٹی مقبول آرائیں نے کی۔ پاکستان تھرو بال فیڈریشن کے زیر اہتمام پہلی سپرلیگ ویمن تھرو بال 9 مئی سے کراچی میں شروع ہو گی۔

(جاری ہے)

لیگ میں ملک بھر سے ٹیمیں حصہ لیں گی اورشرکت کرنے والی ٹیموں کے عہدیدار اپنی، اپنی ٹیموں کی رجسٹریشن 7 مئی تک کروا سکتے ہیں،لیگ 11 مئی تک جاری رہے گی۔

لیگ کی فاتح ٹیم کے لئے 30 ہزار روپے کی انعامی رقم بمعہ ونر ٹرافی رکھی گئی ہے جبکہ دوسری پوزیشن حاصل کرنے والی ٹیم کو 15 ہزار روپے بمعہ رنر اپ ٹرافی سے نوازا جائے گا۔ لیگ کے دوران اچھی کارکردگی دکھانے والی خواتین کھلاڑیوں کو قومی ٹیم میں شامل کیا جائے گا جو کہ بین الاقوامی سطح پاکستان کی نمائندگی کریں گی۔