کراچی،گھریلو جھگڑے کے بعد گھر میں فائرنگ سے 6 بچوں کی ماں جاں بحق

مقتولہ کے شوہر نے 2 شادیاں کی ہوئی تھی، کسی بات پر لڑائی جھگڑا ہوا اور صبح خاتون نے شوہرکے پستول سے خود کو گولی مارلی

اتوار 4 مئی 2025 21:10

کراچی(اُردو پوائنٹ اخبارتازہ ترین - این این آئی۔ 04 مئی2025ء)موچکو یارمحمد گوٹھ گھرمیں فائرنگ سی6 بچوں کی ماں جاں بحق ہوگئی۔رپورٹ کے مطابق خاتون کی لاش ایدھی ایمبولینس کے ذریعے سول اسپتال منتقل کی گئی جہاں خاتون کی شناخت 35 سالہ شہناز ولد کامران کے نام سے کی گئی۔

(جاری ہے)

ایس ایچ او موچکو فیصل لطیف نے بتایا کہ خاتون کے شوہر کامران نے 2 شادیاں کی ہوئی تھی، جاں بحق خاتون پہلی بیوی تھی اوراس سے 6 بچے ہیں جبکہ شوہرنے دوسری شادی تین سال قبل کی تھی اور دوسری بیوی سے بھی اس کا ایک بچہ ہے۔

انھوں نے بتایا کہ جاں بحق خاتون کا شوہراسٹیٹ ایجنٹ ہے، رات گئے میاں بیوی میں کسی بات پر لڑائی جھگڑا ہوا اورصبح خاتون نے شوہرکے پستول سے مبینہ طور پرخود کوگولی مارلی۔بظاہرواقعہ خودکشی کا لگتا ہے تاہم پولیس نے خاتون کے شوہرکامران کو حراست میں لیکر تھانے منتقل کردیا گیا ہے۔خاتون کی پوسٹ مارٹم رپورٹ اوراسکے اہلخانہ کے بیانات کے بعد واقعہ کامقدمہ درج کیا جائے گا، پولیس واقعے کی مزید تفتیش جاری رکھے ہوئے ہے۔