خیرپور،والدین بچے کو گاڑی میں بھول گئے ، بچہ دم گھٹنے سے جاں بحق

والدین شادی میں شرکت کیلیے حیدرآباد سے خیرپور آئے تھے، پولیس حکام

اتوار 4 مئی 2025 21:10

خیرپور(اُردو پوائنٹ اخبارتازہ ترین - این این آئی۔ 04 مئی2025ء)خیرپور کے علاقے آکری میں والدین بچے کو گاڑی میں بھول گئے،بچہ دم گھٹنے سے جان کی بازی ہار گیا۔شادی کی تقریب میں آئے والدین سات سال کے بچے کو گاڑی میں ہی بھول گئے۔ بچہ دم گھٹنے سے بے ہوش ہوگیا۔

(جاری ہے)

حالت غیر ہونے پر اسپتال منتقل کیا، جہاں وہ دم توڑ گیا۔پولیس کے مطابق بچے کے والدین حیدرآباد سے اپنے آبائی گائوں مشغول بالادی میں شادی میں شرکت کے لئے آئے تھے تو بچے کو گاڑی میں نیند آنے کی وجہ سے والدین بچے کو بھول گئے اور گاڑی کے شیشے اور دروازے بند کئے تھے جس کی وجہ سے دم گھٹنے سے بچہ انتقال کر گیا۔