قومی یکجہتی کو بانی سے مشروط کرنا پی ٹی آئی کی کوتاہ اندیشی ہے،وزیردفاع

وطن اور اس کی سلامتی شخصیات اور لیڈر شپ سے زیادہ اہم ہے،خواجہ آصف کابیان

اتوار 4 مئی 2025 23:20

اسلام آباد(اُردو پوائنٹ اخبارتازہ ترین - این این آئی۔ 04 مئی2025ء)وزیر دفاع خواجہ محمد آصف نے کہا ہے کہ قومی یکجہتی کو بانی سے مشروط کرنا پی ٹی آئی کی کوتاہ اندیشی ہے۔ایک بیان میں خواجہ آصف نے پی ٹی آئی پر تنقید کرتے ہوئے کہاکہ وطن اور اس کی سلامتی شخصیات اور لیڈر شپ سے زیادہ اہم ہے۔

(جاری ہے)

انہوں نے کہاکہ قومی اتحاد اور یکجہتی کے اظہار کو بانی پی ٹی آئی کی رہائی سے مشروط کرنا کوتاہ اندیشی اور حب الوطنی کو مشروط کرنے کے برابر ہے۔

وزیر دفاع نے کہا کہ پلوامہ واقعے کے وقت ن لیگ کی قیادت کا بیشتر حصہ بانی پی ٹی آئی کی فرمائش پر قید میں تھا۔انہوںنے کہاکہ جیلو ں سے باہر قیادت نے بانی پی ٹی آئی کی بلائی گئی بریفنگ میں شرکت کی۔خواجہ آصف نے کہا کہ یہ وقت تھا جب بانی پی ٹی آئی نے ہمارے ساتھ بیٹھنے سے انکار کیا تھا لیکن ہم نے قومی اتحاد میں رخنہ نہیں ڈالا۔