Live Updates

عاقب جاوید کو پی سی بی میں اہم عہدہ ملنے کا امکان

ماضی کی طرح عاقب جاوید ایک بار پھر اکیڈمیز کو آباد کریں گے

ذیشان مہتاب پیر 5 مئی 2025 12:23

عاقب جاوید کو پی سی بی میں اہم عہدہ ملنے کا امکان

لاہور (اردو پوائنٹ تازہ ترین اخبار ۔ 5 مئی 2025ء ) سابق ٹیسٹ فاسٹ بولر عاقب جاوید ڈائریکٹر ہائی پرفارمنس کا عہدہ سنبھالنے کے لیے مضبوط امیدوار ہیں۔ ذرائع کا بتانا ہے کہ ماضی کی طرح عاقب جاوید ایک بار پھر اکیڈمیز کو آباد کریں گے۔

ذرائع کے مطابق پاکستان کرکٹ بورڈ نے لاہور ، کراچی اور ملتان میں اکیڈمیز کو مکمل فعال کرنے کا فیصلہ کیا ہے اور تینوں شہروں کی اکیڈمیز میں سال بھر مختلف پروگرامز جاری رہیں گے۔

ذرائع کا بتانا ہے کہ اکیڈمیز میں ایج گروپ پاتھ ویز پروگرام کو خاص طور پر توجہ دی جائے گی۔

ذرائع کا کہنا ہے کہ نیشنل کرکٹ اکیڈمی لاہور میں بنچ اسٹرنتھ پر کام کیا جائے گا اور پرفارمرز کو این سی اے میں رکھا جائے گا جہاں کوچز ان پر کام کریں گے۔

(جاری ہے)

ذرائع کا یہ بھی بتانا ہے کہ ملتان میں انڈر 19 کرکٹرز کو تربیت دی جائے گی اور انہیں آئندہ ورلڈ کپ کے لیے تیار کیا جائے گا۔

ذرائع کے مطابق کراچی میں پاکستان ویمن کرکٹ ٹیم اور دیگر ممکنہ کھلاڑی ہوں گی اور ان ویمن کرکٹرز کو رواں برس کے کرکٹ ورلڈ کپ اور آئندہ برس کے ٹی ٹونٹی ورلڈ کپ کے لیے تیار کیا جائے گا۔