کراچی، فیکٹریوں میں وارداتیں کرنے والے فیضو گینگ کے 5 ڈاکو گرفتار

پیر 5 مئی 2025 16:32

کراچی(اُردو پوائنٹ اخبارتازہ ترین - این این آئی۔ 05 مئی2025ء)شہر قائد میں فیکٹریوں میں وارداتیں کرنے والے فیضو گینگ کے 5 ڈاکو گرفتار کر لیے گئے۔تفصیلات کے مطابق نیو کراچی انڈسٹریل پولیس نے فیکٹریوں میں وارداتیں کرنے والے فیضو گینگ کے ساتھ مبینہ مقابلے میں 2 زخمی ملزمان سمیت 5 کو گرفتار کر لیا۔

(جاری ہے)

ترجمان ایس ایس پی سینٹرل ذیشان شفیق صدیقی کے مطابق مین روڈ سیکٹر 6 بی نزد صدیق آباد قبرستان کے قریب پولیس نے ایک رکشہ اور ایک موٹر سائیکل پر سوار 5 ملزمان کو مشکوک جانتے ہوئے رکنے کا اشارہ کیا، تو ملزمان نے پولیس پر فائرنگ شروع کر دی، پولیس کی جوابی فائرنگ سے 2 ملزمان شدید زخمی ہو گئے، بعد ازاں زخمیوں سمیت پانچ ملزمان کو گرفتار کر لیا گیا۔

پکڑا گیا ڈکیت گینگ فیکٹریوں میں وارداتیں کرتا تھا، جن سے 3 پستول، 30 بور لوڈ میگزین، ایک چھینی ہوئی موٹر سائیکل یونیک، ایک رکشہ اور چھیننے ہوئے 5 موبائل فون برآمد ہوئے۔گرفتار ملزمان کی شناخت محمد فیاض عرف فیضو ولد غلام حیدر، رفیق ولد کالو ( زخمی)، محمد زاہد ولد محمد بخش، فلک شیر ولد اللہ دتہ، اقبال ولد غلام مصطفی کے ناموں سے ہوئی ہے، زخمی ملزمان کو برائے علاج معالجہ عباسی اسپتال روانہ کیا گیا۔