کوئٹہ شہر تمام لوکل روٹس پر اسٹوڈنٹس سے کرایوں میں 50 فیصد کمی کو یقینی بنایا جائے،سیکرٹری ریجنل ٹرانسپورٹ اتھارٹی کوئٹہ

پیر 5 مئی 2025 22:35

ٌکوئٹہ(اُردو پوائنٹ اخبارتازہ ترین - آن لائن۔ 05 مئی2025ء)سیکرٹری ریجنل ٹرانسپورٹ اتھارٹی کوئٹہ ڈویژن علی درانی نے لوکل بس میں اسٹوڈنٹس سے کرایوں میں 50 فیصد رعایت کے حوالے سے لوکل بس ایسوسی ایشن کے نمائندے جنرل سیکرٹری شیر احمد بلوچ، چیرمین لالا حنیف شاھوانی اور سیکرٹری اطلاعات میر بلند شاھوانی کے ساتھ اجلاس منعقد ہوا۔

(جاری ہے)

اجلاس میں فیصلہ کیا گیا کہ کوئٹہ شہر تمام لوکل روٹس پر اسٹوڈنٹس سے کرایوں میں 50 فیصد کمی کو یقینی بنایا جائے ۔

اس کے علاوہ سٹوڈنٹس کے لیے سہولیات کی فراہمی اور انہیں بروقت تعلیمی اداروں تک پہنچنے میں لوکل بس اسوسیشن ہر ممکن تعاون کرے ۔ اس موقع پر لوکل بس ایسوسییشن کی جانب سے سیکرٹری آر ٹی اے کوئٹہ کو بھرپور تعاون کی یقین دھانی کرائی گئی اور کہا کہ اسٹوڈنٹس سے آدھا کرایا وصول کیا جاتا ہے اور اسٹوڈنٹس کی سہولت کے لیے ہر ممکن اقدامات بھی کیے جائیں گے۔