آسٹریلیا ، جنوبی ساحل پر پھنسی سات وہیلزمیں سے 4 ہلاک

منگل 6 مئی 2025 10:00

کینبرا (اُردو پوائنٹ اخبارتازہ ترین - اے پی پی۔ 06 مئی2025ء) آسٹریلیا کے جنوبی ساحل پر پھنسی وہیلزمیں سے 4 ہلاک ہو گئی ہیں ۔ شنہو ا نے مغربی آسٹریلوی حکام کے حوالے سے بتایا کہ پرتھ سے 400 کلومیٹر جنوب مشرق میں ہاؤس بیچ پر سات وہیلزپائی گئیں جن میں سے 4 رات کو ہلاک ہوگئیں۔

(جاری ہے)

محکمہ حیاتیاتی تنوع کے تحفظ اور پرکشش مقامات (ڈی بی سی اے )نے اس بات کی تصدیق کی کہ چار وہیلز( جو سمندری ڈولفن کی ایک قسم ہیں )راتوں رات مر گئیں جبکہ منگل کی صبح تک تین ساحل سمندر پر زندہ تھیں۔ڈی بی سی اے کے ترجمان نے کہا کہ عملہ جائے وقوعہ پر موجود ہے اور صورتحال کا جائزہ لے کرطریقہ کار کا تعین کر رہا ہے۔