Live Updates

ایکویسٹرین فیڈریشن آف پاکستان کے زیراہتمام سالانہ ریجنل نیزہ بازی چیمپئن شپ9 مئی سے شروع ہوگی

منگل 6 مئی 2025 14:42

فیصل آباد (اُردو پوائنٹ اخبارتازہ ترین - اے پی پی۔ 06 مئی2025ء) ایکویسٹرین فیڈریشن آف پاکستان کے زیراہتمام سالانہ ریجنل نیزہ بازی چیمپئن شپ 9 اور 10 مئی کوجامعہ زرعیہ فیصل آباد میں منعقد ہوگی۔

(جاری ہے)

سیکرٹری جنرل ایکویسٹرین فیڈریشن آف پاکستان میاں اسد حیات نے اے پی پی کو بتایا کہ تمام معزز ممبرسواران اور فیصل آباد ریجن کلبز کو آگاہ کیا گیا ہے کہ ایکویسٹرین فیڈریشن آف پاکستان کے زیراہتمام سالانہ ریجنل نیزہ بازی چیمپئن شپ فیصل آباد ریجن جس میں فیصل آباد، جھنگ، ٹوبہ ٹیک سنگھ، چنیوٹ، سرگودھا، بہاولپورکے سوار حصہ لے سکتے ہیں ۔

چیمپئن شپ9 اور 10 مئی کو ایگریکلچر یونیورسٹی فیصل آباد میں منعقد کی جارہی ہے۔انہوں نے بتایا کہ نئے کلبزکی رجسٹریشن اور سالانہ تجدید فیس جمع کروانے کی آخری تاریخ 8 مئی مقرر کی گئی ہے۔میاں اسد حیات نے کہا کہ جو نئے کلب مذکورہ مقابلہ میں حصہ لینا چاہتے ہوں وہ ایکویسٹرین فیڈریشن آف پاکستان کے مجاز نمائندگان محمد مزمل سے موبائل نمبر 03311171278 اورمحمد حسیب سے موبائل نمبر 03035036031 پر رابطہ کرسکتے ہیں۔