Live Updates

سکیورٹی خدشات، بنگلہ دیشی بورڈ نے پاکستان کیخلاف ٹی ٹونٹی سیریز کا فیصلہ موخر کر دیا

بورڈ انتظار اور دیکھو کا طریقہ اختیار کر رہا ہے اور اگلے چند دنوں میں فیصلہ کریگا : صدر فاروق احمد

ذیشان مہتاب بدھ 7 مئی 2025 17:51

سکیورٹی خدشات، بنگلہ دیشی بورڈ نے پاکستان کیخلاف ٹی ٹونٹی سیریز کا ..

لاہور (اردو پوائنٹ تازہ ترین اخبار ۔ 7 مئی 2025ء ) بنگلہ دیش کرکٹ بورڈ (بی سی بی) نے ابھی تک پاکستان کے خلاف 25 مئی سے شروع ہونے والی پانچ میچوں کی ٹی ٹونٹی سیریز کے بارے میں حتمی فیصلہ نہیں کیا ہے کیونکہ وہ پاکستان کی صورتحال پر نظر رکھے ہوئے ہے۔

رپورٹس کے مطابق بی سی بی نے کہا کہ وہ پاکستان سپر لیگ (پی ایس ایل) سیزن 10 میں حصہ لینے والے اپنے کھلاڑیوں کی حفاظت کو یقینی بنانے کے لیے پاکستان کرکٹ بورڈ (پی سی بی) اور اسلام آباد میں بنگلہ دیش ہائی کمیشن کے ساتھ فعال طور پر رابطہ کر رہا ہے۔

2 بنگلہ دیشی کرکٹر لیگ اسپنر رشاد حسین (لاہور قلندرز) اور فاسٹ بولر ناہید رانا (پشاور زلمی) ٹورنامنٹ میں کھیل رہے ہیں۔

بورڈ نے کہا کہ " بی سی بی پاکستان کرکٹ بورڈ (PCB) اور اسلام آباد میں بنگلہ دیش کے ہائی کمیشن کے ساتھ فعال کوآرڈینیشن میں ہے تاکہ یہ یقینی بنایا جا سکے کہ ہمارے کھلاڑیوں کی حفاظت کی ضمانت کے لیے تمام ضروری اقدامات کیے گئے ہیں۔

(جاری ہے)

بی سی بی کے صدر فاروق احمد نے ایک مقامی اسپورٹس آؤٹ لیٹ سے بات کرتے ہوئے کہا کہ "بورڈ انتظار اور دیکھو کا طریقہ اختیار کر رہا ہے اور اگلے چند دنوں میں فیصلہ کرے گا"۔

فاروق نے کہا کہ "ہم واقعی موجودہ صورتحال پر کام کر رہے ہیں (جہاں تک T20I سیریز کے لیے پاکستان جانے کا تعلق ہے) اور اس میں مزید تین سے چار دن انتظار کیا جا سکتا ہے۔

انہوں نے مزید کہا کہ دیکھتے ہیں کہ یہ کیسے آگے بڑھتا ہے لیکن اس وقت ہماری اصل تشویش ان دو کھلاڑیوں (ناہید رانا اور رشاد حسین) کے حوالے سے ہے جو اس وقت پاکستان میں پی ایس ایل میں کھیل رہے ہیں۔

دریں اثناء بی سی بی نے متحدہ عرب امارات (یو اے ای) اور پاکستان کے اپنے آئندہ T20I دوروں کے لیے پہلے ہی 16 رکنی اسکواڈ کا اعلان کر دیا ہے۔

نجم الحسین شانتو کے رواں سال کے شروع میں کپتانی چھوڑنے کے بعد لٹن داس ٹیم کی قیادت کریں گے۔ آل راؤنڈر مہدی حسن کو دونوں دوروں کے لیے نائب کپتان مقرر کیا گیا ہے۔

بنگلہ دیش پہلے 17 اور 19 مئی کو شارجہ میں متحدہ عرب امارات کے خلاف دو ٹی ٹوئنٹی میچ کھیلے گا اور اس کے بعد 25 مئی سے 3 جون تک شیڈول پانچ میچوں کی سیریز کے لیے پاکستان کا دورہ کرے گا۔