Live Updates

پاکستان سپرلیگ سیزن 10 کے لئے راولپنڈی پولیس نے سیکورٹی و ٹریفک پلان جاری کردیا

بدھ 7 مئی 2025 21:31

راولپنڈی(اُردو پوائنٹ اخبارتازہ ترین - آن لائن۔ 07 مئی2025ء) پاکستان سپر لیگ سیزن 10 کے لئے راولپنڈی پولیس نے سیکورٹی و ٹریفک پلان جاری کردیا ہے جس کے تحت 6 ہزار افسران و اہلکار اور ٹریفک پولیس کے 367 افسران فرائض انجام دیں گے تمام تر انتظامات کی سی سی ٹی وی کیمروں سے مانیٹرنگ کی جائے گی جسکے لئے خصوصی کنٹرول روم قائم کیا گیا ہے سٹیڈیم کے گردونواح میں ایلیٹ فورس، ڈولفن فورس اور تھانوں کی موبائلز گشت کے فرائض انجام دیں گی ٹیموں کے روٹ کی موثر سیکورٹی کے ساتھ چھتوں پر سنائپرز تعینات کئے گئے ہیں میچ دیکھنے کے لئے آنے والے شائقین کرکٹ کو واک تھرو گیٹ اور مکمل باڈی سرچنگ کے بعد سٹیڈیم میں داخلے کی اجازت دی جائے گی پاور بینک، ہینڈ فری، ائیر پوڈز، کھانے پینے کی اشیائ سمیت کوئی ممنوعہ شے ساتھ لے جانے کی اجازت نہیں ہے تمام سینئر افسران فیلڈ میں موجود رہ کر ڈیوٹی پر مامور افسران کو چیک اور بریف کریں گے،میچوں کے دوران سیکورٹی انتظامات کے ساتھ ٹریفک کی بلا تعطل روانی یقینی بنائی جائے گی۔