Live Updates

قومی کرکٹ ٹیم کیلئے نئے ہیڈ کوچ کا اعلان اگلے ہفتے ہونے کا امکان

اسلام آباد یونائیٹڈ کے ہیڈ کوچ مائیک ہیسن سرفہرست ، ایک غیرملکی کوچ نے مرضی کا سٹاف ساتھ رکھنے کی شرط رکھ دی

ذیشان مہتاب بدھ 7 مئی 2025 14:20

قومی کرکٹ ٹیم کیلئے نئے ہیڈ کوچ کا اعلان اگلے ہفتے ہونے کا امکان

لاہور (اردو پوائنٹ تازہ ترین اخبار ۔ 7 مئی 2025ء) پاکستان کرکٹ ٹیم کیلئے نئے ہیڈ کوچ کا اعلان اگلے ہفتے ہونے کا امکان ہے۔

رپورٹس کے مطابق 4 مئی تک جمع ہونے والی درخواستوں کی اسکروٹنی کے بعد امیدواروں کے ناموں کو شارٹ لسٹ کیا جانے لگا، مجوزہ ناموں میں اسلام آباد یونائیٹڈ کے ہیڈ کوچ مائیک ہیسن سرفہرست ہیں۔

(جاری ہے)

پاکستان کرکٹ بورڈ (پی سی بی) حکام کے ساتھ سابق کیوی کوچ کی ابتدائی بات چیت کا ایک دور ہوچکا ہے، اس میں انہوں نے اپنی مرضی کا اسٹاف ساتھ رکھنے کی شرط رکھی ہے، بورڈ فی الوقت اس مطالبے کو ماننے پر آمادہ نہیں تاہم بات چیت کے دروازے کھلے ہیں۔

اس کے علاوہ ملکی کوچز بھی قومی ٹیم کیلئے کوچنگ کی دوڑ میں شامل پیں، زیر گردش ناموں میں ثقلین مشتاق اور مصباح الحق کے علاوہ سابق آل عبدالرزاق بھی گرین شرٹس کیساتھ کام کرنے میں دلچسپی رکھتے ہیں۔

دوسری طرف سلیکشن کمیٹی کا اجلاس بھی اگلے ہفتے بلایا جارہا ہے جو بنگلادیش کے خلاف 5 ٹی20 میچز کیلئے کھلاڑیوں کے ناموں پرمشاورت کرے گی۔