طلباء بدعنوانی کی تدارک کے لئے اپنا کردار ادا کر یں ۔ڈائریکٹر نیب نیاز حسن

کوئٹہ (اُردو پوائنٹ اخبارتازہ ترین - اے پی پی۔ 07 مئی2025ء) ڈائریکٹر نیب بلوچستان نیاز حسن نے کہا ہے کہ بدعنوانی معاشروں کو دیمک کی طرح چاٹ رہی ہے ۔ معاشرے کے تمام فرد خصوصاً طلباء اس کی تدارک کے لئے اپنا کردار ادا کر یں تاکہ ملکی وسائل کو ملک کی ترقی اور عوام کی فلاح وبہبود کے لئے بروئے کار لائی جاسکے یہ بات انھوں نے بدھ کو نسٹ یونیورسٹی اور نیب بلوچستان کی باہمی شراکت سے انسداد کرپشن کے عنوان سے منعقدہ ایک سیمینار سے خطاب کرتے ہوئے ہوئے کہی۔

ڈائریکٹر نیب نیاز حسن نے کہا کہ جن ملکوں میں کرپشن کا بازار گرم ہے ان کی معیشت زوال پزیری کا شکار ہیں ۔کرپشن ہمارے معاشرے میں بھی ناسور کی طرح دن بدن پھیلتی چلی جارہی ہے۔ معاشرے کے تمام فرد خصوصاً طلباء اس کی تدارک کے لئے اہم کردار ادا کر سکتے ہیں۔

(جاری ہے)

۔ انھوں نے طلباء پر زور دیا کہ وہ اخلاق و پیشہ ورانہ مہارت پر عبور حاصل کرکے ہی بدعنوانی سے بہتر انداز میں نمٹ سکتے ہیں، طلباء ہی ہمارے مستقبل کے معمار ہے اور ملک کی باگ ڈور مستقبل میں انھوں نے ہی سنبھالنا ہیں۔

لہذا جب ہمارے بچے بدعنوانی کے محرکات سے آگاہ ہونگے تو تب جاکراس معاشرتی برائی پر قابو پانے کے قابل ہونگے۔ اس موقع پر نسٹ یونیورسٹی کے ڈین بریگیڈیئر ڈاکٹر مغیس اسلم نے اپنے خطاب میں کہا کہ بدعنوانی پر قابو پانا صرف نیب کا کام نہیں اس سلسلے میں ہم سب کردار ادا کرنا ہے، بد عنوانی معاشرے کے لئے زھر قاتل ہے۔ اس کو جڑ سے ختم کرنے کے لئے ہمیں خود احتسابی سے کام لینا ہوگا۔

چونکہ اگر ہم خود صاف ستھرا ہونگے تو کسی اور کو غلط کام کرتے ہوئے برداشت نہیں کریں گے اسی سے ہی بدعنوانی سے پاک معاشرتی تشکیل پاتا ہے۔قبل ازیں عمران مجید ایڈیشنل ڈائریکٹر اور ڈپٹی ڈائریکٹر خرم شہزاد نے معاشرے میں بدعنوانی پروان چڑھانے کے مختلف وجوہات اور اس پر قابو پانے کے حوالے سے نیب بلوچستان کی جانب سے اٹھائے گئے اقدامات اور نیب قوانین کے بارے میں شرکاء کو آگاہی فراہم کی۔

واضع رہے کہ نیب بلوچستان صوبے میں بد عنوانی کی بیخ کنی کے لئے وقتًافوقتًا صوبے کے مختلف تعلیمی اداروں اور سماجی مراکز میں آگاہی سیمینارز اور کھلی کچہری کا انعقاد کرتا رہتا ہے۔ تاکہ بدعنوانی جیسے ناسور سے قوم کو چھٹکارا حاصل کرنے میں کامیابی حاصل ہو، اس موقع پر نسٹ یونیورسٹی کے لیکچرز اور طلباء نے بڑی تعداد میں شرکت کی۔