مریدکے،مسجد پر بھارتی حملے میں شہید سیکیورٹی گارڈ مدثر طفیل سپرد خاک

بدھ 7 مئی 2025 22:55

چونیاں(اُردو پوائنٹ اخبارتازہ ترین - این این آئی۔ 07 مئی2025ء)مریدکے میں بھارتی حملے میں شہید ہونے والے سیکیورٹی گارڈ مدثر طفیل کو چونیاں میں ان کے آبائی گاؤں میں سپرد خاک کر دیا گیا۔شہید سیکیورٹی گارڈ مدثر طفیل کی نماز جنازہ چونیاں میں ان کے گاؤں گہلن ہٹھاڑ میں ادا کی گئی۔

(جاری ہے)

شہید کی نماز جنازہ میں اہل علاقہ نے بڑی تعداد میں شرکت کی۔نماز جنازہ کے بعد شہید کو پورے اعزاز کے ساتھ سپرد خاک کر دیا گیا۔مدثر طفیل کی نماز جنازہ اور تدفین کے موقع پر سیکیورٹی کے سخت انتظامات کیے گئے تھے۔شہید مدثر طفیل مریدکے میں بھارتی حملے سے تباہ ہونے والی مسجد میں سیکیورٹی گارڈ کے فرائض انجام دے رہے تھے کہ انہوں نے اس بھارتی حملے میں جام شہادت نوش کیا۔