سعودی عرب نے غزہ پر کنٹرول سے متعلق اسرائیلی منصوبہ مسترد کردیا

جمعرات 8 مئی 2025 08:20

ریاض (اُردو پوائنٹ اخبارتازہ ترین - اے پی پی۔ 08 مئی2025ء) سعودی عرب نے اسرائیل کی جانب سے غزہ میں اپنی فوجی کارروائیوں کو وسعت دینے اور علاقے کا مکمل کنٹرول حاصل کرنے سے متعلق منصوبے کو واضح طور پر مسترد کیا ہے۔ایس پی اے کے مطابق وزارت خارجہ نے بیان میں اسرائیلی قابض فورسز کی غزہ پٹی اور فلسطینی علاقوں پر جاری جارحیت کی مذمت کی اور اسے بین الاقوامی انسانی قانون کی صریح خلاف ورزی قرار دیا۔

(جاری ہے)

وزارت خارجہ کا کہنا ہے مملکت اپنے موقف پر آج بھی قائم ہے جس میں فلسطینی اراضی پر اسرائیلی توسیع پسندانہ عزائم کو سختی سے مسترد کیا جاچکا ہے۔سعودی عرب نے زور دیا کہ اسرائیل عالمی قوانین کی پاسداری کرے۔ بین الاقوامی قرارداوں اور عرب امن اقدام کے مطابق مسئلہ فلسطین پر مملکت کے واضح موقف کی یقین دہانی کرائی جس میں 1967 کی سرحدوں کے مطابق ایک آزاد و خودمختار فلسطینی ریاست جس کا دارالحکومت بیت المقدس ہو کا قیام شامل ہے۔