Live Updates

عمران خان کے خلاف توہین عدالت کیس ریگولر بنچ کو بھجوا دیا گیا

جمعرات 8 مئی 2025 14:56

اسلام آباد(اُردو پوائنٹ اخبارتازہ ترین - این این آئی۔ 08 مئی2025ء) سپریم کورٹ آئینی بنچ نے بانی پی ٹی آئی عمران خان کیخلاف توہین عدالت کیس ریگولر بنچ کو بھجوا دیا۔تفصیلات کے مطابق جسٹس امین الدین کی زیرسربراہی پانچ رکنی آئینی بنچ نیکیس کی سماعت کی۔

(جاری ہے)

جسٹس جمال خان مندوخیل نے استفسار کیا کہ کیا یہ کیس ریگولر بنچ کا نہیں جس پر پی ٹی آئی وکیل سلمان اکرم راجا نے جواب دیا کہ اس کیس میں کوئی آئینی مسئلہ نہیں ریگولر بنچ کو بھجوا دیں۔

ایڈیشنل اٹارنی جنرل نے کہا کہ مخصوص نشستوں میں بھی عدالت نے توہین عدالت کا کیس ریگولر بینچ کو بھیجا،یہ بھی ریگولر بنچ کو بھجوا دیں۔عدالت نے فریقین کا مؤقف سننے کے بعد کیس ریگولر بنچ کو بھجوا دیا۔یاد رہے کہ 25 مئی 2022 کیعدالتی حکم کے برخلاف لانگ مارچ پر توہین عدالت کی کارروائی کا فیصلہ ہوا تھا۔