22افراد کو غیرقانونی طورپر مکہ لے جانے کی کوشش کرنیوالا مصری گرفتار

گرفتار مصری کے خلاف مقدمہ درج کرکے اسے متعلقہ ادارے کے حوالے کردیا ،سیکورٹی فورسز

جمعہ 9 مئی 2025 12:14

ریاض (اُردو پوائنٹ اخبارتازہ ترین - این این آئی۔ 09 مئی2025ء)حج سکیو رٹی فورسز نے مکہ پرمٹ کے بغیر 22 افراد کو غیرقانونی طورپر مکہ لے جانے کی کوشش کرنے والے مصری کو گرفتار کرلیا۔

(جاری ہے)

عرب ٹی وی کے مطابق سعودی وزارت داخلہ کی جانب سے جاری بیان میں کہا گیا ہے کہ گرفتار ملزم 22 افراد کو بس کے ذریعے بغیر پرمٹ افراد کو مکہ مکرمہ لے جانے کی کوشش کررہا تھا۔سکیورٹی فورسز کا کہنا تھاکہ گرفتار مصری کے خلاف مقدمہ درج کرکے اسے متعلقہ ادارے کے حوالے کردیا ہے جہاں اس کے خلاف قانونی چارہ جوئی کی جائے گی۔واضح رہے پرمٹ کے بغیر حج سیزن کے دوران مکہ مکرمہ جانا قانون شکنی ہے جس پر 20 ہزار ریال فی فرد جرمانہ مقرر ہے۔