Live Updates

بھارت کا شمالی اور مغربی 32 ہوائی اڈے 14 مئی تک بند رکھنے کا اعلان

ہفتہ 10 مئی 2025 21:04

نئی دہلی (اُردو پوائنٹ اخبارتازہ ترین - آن لائن۔ 10 مئی2025ء)بھارتی وزارت شہری ہوا بازی کی جانب سے جاری نوٹیفکیشن کے مطابق ایئر پورٹ اتھارٹی آف انڈیا (اے اے آئی) اور متعلقہ ایوی ایشن حکام نے متعدد نوٹسز جاری کیے ہیں، جن میں شمالی اور مغربی بھارت کے 32 ہوائی اڈوں کو 14 مئی تک عارضی طور پر بند کرنے کا اعلان کیا گیا ہے۔

(جاری ہے)

بھارتی حکومت کے احکام کے مطابق ادھم پور، انبالہ، امرتسر، اونتی پور بھٹنڈا، بھوج، بیکانیر، چندی گڑھ، ہلوارا، ہندن، جیسلمیر، جموں، جام نگر، جودھ پور، کنڈلا، کانگڑا (گگل)، کیشود، کشن گڑھ، کلو منالی (بھونتر)، لیہہ، لدھیانہ، موندرا، نلیا، پٹھان کوٹ، پٹیالہ، پوربندر، راجکوٹ (ہیراسر)، سرساوا، شملہ، سری نگر، تھوئس، اترلائی ہوائی اڈے بند رہیں گے۔

نوٹیفکیشن میں کہا گیا ہے کہ اس مدت تک ان ہوائی اڈوں پر تمام سول پروازوں کی سرگرمیاں معطل رہیں گی۔ایئرلائنز اور فلائٹ آپریٹرز کو مشورہ دیا گیا ہے کہ وہ موجودہ ایئر ٹریفک ایڈوائزری کے مطابق متبادل روٹنگ کی منصوبہ بندی کریں، عارضی بندش کا انتظام متعلقہ اے ٹی سی یونٹس کے تعاون سے کیا جا رہا ہے تاکہ حفاظت کو یقینی بنایا جا سکے اور خلل کو کم سے کم کیا جا سکے۔