امریکا کا متحدہ عرب امارات کے ساتھ 200 بلین ڈالر کے فرنٹیئر ٹیکنالوجیز، ایرو سپیس، توانائی اور اہم معدنیات کے معاہدوں کا اعلان

جمعہ 16 مئی 2025 12:51

واشنگٹن (اُردو پوائنٹ اخبارتازہ ترین - اے پی پی۔ 16 مئی2025ء) امریکا نے متحدہ عرب امارات کے ساتھ200بلین ڈالر کے فرنٹیئر ٹیکنالوجیز، ایرو سپیس، توانائی اور اہم معدنیات کے معاہدوں کا اعلان کیا ہے ۔ شنہوا کے مطابق وائٹ ہاؤس سے جاری پریس ریلیز میں کہا ہے کہ بوئنگ اور جی ای ایرو سپیس نے اتحاد ایئرویز سےجی ای انجن سے چلنے والے 28 بوئنگ 787 اور ایکس 777 طیارے خریدنے کے لیے 14.5 بلین ڈالر کا وعدہ کیا ہے۔

ایمریٹس گلوبل ایلومینیم امریکی ریاست اوکلاہوما میں 4 بلین ڈالر کے پرائمری ایلومینیم سمیلٹر پراجیکٹ میں سرمایہ کاری کرے گا، پریس ریلیز میں کہا گیا ہے کہ اسے 45 سال میں امریکا میں پہلی نئی ایلومینیم سمیلٹرز میں سے ایک قرار دیا گیا ہے۔ اوکسیڈینٹل پیٹرولیم،ایکسون موبائل اور ای او جی ریسورسزابوظہبی نیشنل آئل کمپنی کے ساتھ 60 بلین ڈالر مالیت کے تیل اور قدرتی گیس کی پیداوار کے لیے شراکت داری کر رہے ہیں، جبکہ آ رٹی ایکس، ایمریٹس گلوبل ایلومینیم اور یو اے ای کی توازن کونسل کے ساتھ ایک اہم گیلیم پراجیکٹ پر شراکت داری کر رہا ہے۔

(جاری ہے)

یاد رہے کہ امریکی صدر ڈونلڈ ٹرمپ نے سعودی عرب اور قطر کے بعد گزشتہ روز یو اے ای کا دورہ شروع کیا۔متحدہ عرب امارات نے آئندہ دہائی کے دوران امریکا میں 1.4 ٹریلین ڈالر کی سرمایہ کاری کرنے کا عہد کیا ہے۔