مصر میں شوہر نے بچوں کے سامنے بیوی کو پانچویں منزل سے پھینک دیا

اتوار 11 مئی 2025 09:20

قاہرہ (اُردو پوائنٹ اخبارتازہ ترین - اے پی پی۔ 11 مئی2025ء) مصر کے شمالی علاقے القلیویہ کے شہر العبور الجدیدہ میں ایک شخص نے غصے میں آکر بچوں کے سامنے بیوی کو پانچویں منزل سے پھینک دیا جس سے وہ موقع پر ہی ہلاک ہو گئی۔

(جاری ہے)

العربیہ کے مطابق اہل محلہ نے واقعے کی اطلاع قریبی پولیس سٹیشن کو دی،پولیس جائے وقوعہ سے نعش تحویل میں لے کر ہسپتال منتقل کردی۔ابتدائی پولیس رپورٹ کے مطابق ملزم کا بیوی سے کسی بات پر جھگڑا ہوا جو اتنا بڑھا کہ اس نے طیش میں آکر بچوں کی موجودگی میں ہی بیوی کو پانچویں منزل سے نیچے پھینک دیا۔پراسیکیوشن میں ملزم کو چار روزہ جسمانی ریمانڈ پر پولیس کی تحویل میں دیا ہے جبکہ نعش کو تدفین کے لیے ورثا کے حوالے کر دیا گیا۔