امریکا،سان فرانسسکو کے ساحل سمندر پر شہری کتے کو بچانے کی کوشش میں ہلاک

اتوار 11 مئی 2025 09:50

سان فرانسسکو (اُردو پوائنٹ اخبارتازہ ترین - اے پی پی۔ 11 مئی2025ء) امریکا کے شہر سان فرانسسکو کے ساحل سمندر پر شہری کتے کو بچانے کی کوشش میں جان کی بازی ہار گیا۔

(جاری ہے)

ہندوستان ٹائمز کے مطابق نیشنل پارک سروس کے اہلکار نے میڈیا سے گفتگو میں بتایا کہ سان فرانسسکو کے ساحل سمندر پر شہری کتے کو بچانے کی کوشش میں ڈوب گیا اطلاع ملنے پر سان فرانسسکو فائر ڈیپارٹمنٹ اور فائر پیرامیڈکس کے عملے نے موقعے پر پہنچ کر طبی امداد فراہم کی اور اسے قریبی ہسپتال منتقل کر دیا ۔

طبی عملے کی تمام تر کوششوں کے باوجود وہ زخموں کی تاب نہ لاتے ہوئے چل بسا۔سان فرانسسکو فائر ڈیپارٹمنٹ نے بعد میں اس خبر کی تصدیق کرتے ہوئے سوشل میڈیا پلیٹ فارم ایکس پر لکھا کہ ہمیں افسوس کے ساتھ یہ اطلاع دینی پڑ رہی ہے کہ یہ مرد اپنے زخموں کی تاب نہ لاتے ہوئے چل بسا ہے، وہ کتا جسے اس شخص نے بچایا، خود ہی پانی سے باہر نکل آیا تھا اور اب وہ محفوظ ہے۔