طالبان نے موسیقی اور گانے بجانے پر 14 افراد کو گرفتار کر لیا

اتوار 11 مئی 2025 11:50

کابل (اُردو پوائنٹ اخبارتازہ ترین - این این آئی۔ 11 مئی2025ء)افغانستان کیصوبہ تخار کی پولیس نے گزشتہ روز کہا کہ طالبان حکام نے شمالی افغانستان میں موسیقی کے آلات اور گانے بجانے کے الزام میں 14افراد کو گرفتار کر لیا،جیساکہ انہوں نے اقتدار سنبھالنے کے بعد سے گانے بجانے پرپابندیاں عائد کر دی تھیں۔

(جاری ہے)

غیرملکی خبررساں ادارے کے مطابق طالبان حکومت نے 2021 میں اقتدار پر قبضہ کرنے کے بعد سے مسلسل ایسے قوانین اور ضوابط نافذ کیے ہیں جو اسلامی قانون کے بارے میں ان کے سخت وژن کی عکاسی کرتے ہیں۔

اس میں لائیو پرفارمنس سے لے کر اجتماعات میں، ریستوراں میں، کاروں میں یا ریڈیو اور ٹی وی سمیت عوامی سطح پر موسیقی پر کریک ڈاون شامل ہے۔پولیس نے ایک بیان میں کہا کہ شب شمالی صوبہ تخار کے دارالحکومت میں 14 افراد رات کے اندھیرے کا فائدہ اٹھاتے ہوئے ایک رہائشی مکان میں جمع ہوئے جہاں وہ موسیقی کے آلات بجا رہے تھے اور گانے گا رہے تھے۔