سعودی عرب ،قازقستان میں سکیورٹی تعاون مضبوط بنانے پر تبادلہ خیال

دونوں ملکوں کے درمیان مضبوط اور برادرانہ تعلقات پر بھی زوردیاگیا،عرب ٹی وی

پیر 12 مئی 2025 14:47

ریاض(اُردو پوائنٹ اخبارتازہ ترین - این این آئی۔ 12 مئی2025ء)سعودی عرب اور قازقستان میں سکیورٹی تعاون مضبوط بنانے پر تبادلہ خیال کیا ہے۔عرب ٹی وی کے مطابق سعودی وزیر داخلہ شہزادہ عبدالعزیز بن سعود بن نایف نے ریاض میں وزارت کے ہیڈ کوارٹر میں قازقستان کی قومی سلامتی کمیٹی کے چیئرمین کا خیرمقدم کیا۔

(جاری ہے)

سعودی وزیر داخلہ نے کہا کہ ملاقات سعودی قیادت کی ہدایت کے مطابق ہو رہی ہے جس کا مقصد قازقستان کے ساتھ سکیورٹی تعاون بڑھانا ہے۔

انہوں نے دونوں ملکوں کے درمیان مضبوط اور برادرانہ تعلقات پر بھی زور دیا۔ملاقات میں دونوں ملکوں کے درمیان سکیورٹی تعاون مضبوط بنانے کے طریقوں کے علاوہ مشترکہ دلچسپی کے متعدد امورپر تبادلہ خیال کیا گیا۔اس موقع پرمعاون وزریر داخلہ ڈاکٹر ھشام بن عبدالرحمن الفالح اور دیگر حکام بھی موجود تھے۔