Live Updates

بھارت نے لائن آف کنٹرول پر معصوم لوگوں کو نشانہ بنا کر اپنی بوکھلاہٹ کا واضح ثبوت دیا ، صدرریاست

بھارت کی لائن آف کنٹرول کے اس پار فائرنگ سے 31شہری شہید ،126زخمی اور 299مکانات تباہ ہوئے ،بیرسٹر سلطان محمود چوہدری

پیر 12 مئی 2025 15:31

اسلام آباد(اُردو پوائنٹ اخبارتازہ ترین - این این آئی۔ 12 مئی2025ء) صدر آزاد جموں وکشمیر بیرسٹر سلطان محمود چوہدری نے کہا ہے کہ بھارت نے لائن آف کنٹرول پر سول آبادی کو نشانہ بنایا ہے جس پر ہم بھارت کی طرف سے شہری آبادیوںپر گولہ باری کی شدید مذمت کرتے ہیں ۔ بھارت نے آزادکشمیر میں لائن آف کنٹرول پر بسنے والے معصوم لوگوں کو نشانہ بنا کر اپنی بوکھلاہٹ کا واضح ثبوت دیا ہے۔

(جاری ہے)

بھارت کی لائن آف کنٹرول کے اس پار فائرنگ سے آزادکشمیر کے 31شہری شہید ،126زخمی اور 299مکانات تباہ ہوئے ہیں جبکہ لائن آف کنٹرول کے مختلف علاقوں سے 1155خاندانوں نے نقل مکانی کی ہے۔ صدر آزادجموں وکشمیر بیرسٹر سلطان محمود چوہدری نے حکومت آزادکشمیر اور انتظامیہ کو ہدایت کی کہ وہ بھارتی گولہ باری سے ہونے والے نقصانات کا تخمینہ لگا تے ہوئے متاثرین کی فوری مدد اور زخمیوں کو طبی امداد کی فراہمی میں کوئی دقیقہ فروگزاشت نہ رکھے۔اس موقع پر صدر آزادجموں وکشمیر بیرسٹر سلطان محمود چوہدری نے بھارتی فائرنگ سے شہید ہونے افراد کے خاندانوں سے اظہار تعزیت کیا اور زخمیوں کی جلد صحتیابی کی دعا کی۔