نرسنگ کے شعبے کو جدید خطوط پر استوار کر رہے ہیں‘مریم نواز

لینگوئج کورسز کرائے جا رہے ہیں ،ان کیلئے سہولتیںفراہم کررہے ہیں‘وزیر اعلیٰ پنجاب

پیر 12 مئی 2025 22:40

نرسنگ کے شعبے کو جدید خطوط پر استوار کر رہے ہیں‘مریم نواز

لاہور (اُردو پوائنٹ اخبارتازہ ترین - این این آئی۔ 12 مئی2025ء)وزیر اعلیٰ پنجاب مریم نواز شریف نے انٹرنیشنل نرسز ڈے پراپنے پیغام میں کہا ہے کہ نرس ہر معاشرے میںقابل احترام ہیں۔ہر معاشرہ بیمار اوربے بس لوگوں کی خدمت اورمعاونت کرنے والے نرسوں پر فخر کرتا ہے ۔وزیراعلی مریم نوازشریف نے کہاکہ نرس بیماری، تکلیف اور بے بسی میں امید، حوصلے اور محبت کی صورت ہیں۔

(جاری ہے)

وزیراعلیٰ مریم نواز شریف نے کہاکہ نرسنگ صرف پیشہ نہیں مقدس فریضہ ہے جو سحر و شام انسانیت کی خدمت کے جذبے سے سرشار ہوتا ہے۔نرسز نے کورونا سمیت ہر ایمرجنسی میں اپنی جانوں کی پروا کیے بغیر قوم کی خدمت کی،ہم یہ قربانیاں کبھی نہیں بھول سکتے۔حکومت پنجاب نرسز کے وقار، سہولت، اور پیشہ ورانہ ترقی کیلئے پُرعزم ہے۔انہوںنے کہا کہ نرسنگ کے شعبے کو جدید خطوط پر استوار کر رہے ہیں، لینگوئج کورسز بھی کرائے جا رہے ہیں اوران کیلئے سہولتیںفراہم کررہے ہیں۔