Live Updates

نیشنل جمپ اینڈ روپ سکیپنگ چیمپئن شپ 23 مئی سے شروع ہو گی

بدھ 14 مئی 2025 19:50

اسلام آباد (اُردو پوائنٹ اخبارتازہ ترین - اے پی پی۔ 14 مئی2025ء) پاکستان روپ سکیپنگ فیڈریشن کے زیراہتمام تیسری نیشنل جمپ اینڈ روپ سکیپنگ چیمپئن شپ 23 مئی سے یوتھ سپورٹس کلب گلشن جوہر، کراچی میں شروع ہو گی۔

(جاری ہے)

گزشتہ روز پاکستان روپ سکیپنگ فیڈریشن کے سیکرٹری جنرل شرق صدیقی نے بتایا کہ چیمپئن شپ کی تیاریاں زور و شور سے جاری ہیں اورپاکستان روپ سکیپنگ فیڈریشن کے صدر مقبول آرائیں نے چیمپئن شپ منعقد کروانے کی منظوری دے دی ہے۔

چیمپئن شپ میں ملک بھر سے کھلاڑی حصہ لے رہےہیں اور ایونٹ میں شرکت کرنے کے خواہشمند کھلاڑی اپنے اپنے ناموں کی رجسٹریشن فون نمبر 03013318777 پر 15 مئی تک کروا سکتےہیں۔ یہ چیمپئن شپ دو روز تک جاری رہے گی اور چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔