ڈرگ فری پنجاب، گزشتہ ایک ہفتے کے دوران لاہور سمیت صوبہ بھر میں منشیات فروشوں کے ٹھکانوں پر 1447 ریڈز

ؑریڈز کے دوران 907 منشیات فروش گرفتار، مقدمات درج اور منشیات برآمد ، ترجمان پنجاب پولیس

بدھ 14 مئی 2025 20:05

&لاہور (اُردو پوائنٹ اخبارتازہ ترین - آن لائن۔ 14 مئی2025ء) انسپکٹر جنرل پولیس پنجاب ڈاکٹر عثمان انور کی ہدایت پر ڈرگ فری پنجاب ویژن کی تکمیل میں گزشتہ ایک ہفتے کے دوران لاہور سمیت صوبہ بھر میں منشیات فروشوں کے ٹھکانوں پر 1447 ریڈز اور 907 منشیات فروش گرفتار کر کے مقدمات درج کیے گئے۔

(جاری ہے)

ترجمان پنجاب پولیس نے بتایا کہ منشیات فروشوں کے قبضہ سے 373 کلو گرام چرس، 30 کلو گرام آئس جبکہ 9695 لیٹر شراب، 34 کلوگرام ہیروئن اور دیگر منشیات بھی برآمد کی گئی۔

آئی جی پنجاب ڈاکٹر عثمان انور نے منشیات ڈیلرزاور سمگلروںکے خلاف سپیشل آپریشنز جاری رکھنے کا حکم دیا ہے۔ آئی جی پنجاب نے افسران کو ہدایت دیتے ہوئے کہا کہ منشیات کی سپلائی چین کا خاتمہ اور آن لائن خرید و فروخت میں ملوث ملزمان کی گرفتاری یقینی بنائیں۔تعلیمی اداروں اور ہاسٹلز کے گرد انٹیلی جنس بیسڈ آپریشنز میں مزید تیزی لائی جائے۔