مودی، امیت شاہ اور آر ایس ایس پہلگام جیسے جعلی حملوں کے اصل ماسٹر مائنڈز ہیں،سابق بھارتی فوجی

حملے سے محض ایک ہفتے قبل امیت شاہ نے دورہ کر کے تمام چیک پوسٹیں ختم کروائی تھیں، میڈیا سے گفتگو

جمعرات 15 مئی 2025 22:55

نئی دہلی (اُردو پوائنٹ اخبارتازہ ترین - آن لائن۔ 15 مئی2025ء) سابق بھارتی فوجی نے دھماکہ خیز انکشافات کرتے ہوئے مودی کے فالس فلیگ ڈراموں سے پردہ اٹھا دیا ۔ انکا کہنا ہے کہ مودی، امیت شاہ اور آر ایس ایس پہلگام جیسے جعلی حملوں کے اصل ماسٹر مائنڈز ہیں، پہلگام حملے سے محض ایک ہفتے قبل امیت شاہ نے دورہ کر کے تمام چیک پوسٹیں ختم کروائی تھیں ۔ سابق بھارتی فوجی نے پہلگام حملے کے حقائق کا بھانڈا پھوٹتے ہوے مودی کے فالس فلیگ ڈراموں سے پردہ اٹھا دیا۔

سابق فوجی ا ہلکار نے مودی کو کھری کھری سناتے ہوئے انکشاف کیا کہ 18 سال بھارتی فوج میں خدمات انجام دیں، پہلگام میں بھی تعینات رہا ۔ پہلگام میں آرمی، سی آر پی ایف اور بی ایس ایف کی تین چیک پوسٹیں ہوتی تھیں۔ بغیر مکمل تفتیش داخلہ ناممکن تھا۔

(جاری ہے)

فوجی بھی تلاشی کے بغیر داخل نہیں ہو سکتے تھے، سیکیورٹی فول پروف تھی تاہم امیت شاہ نے ایک ہفتہ قبل اچانک دورے کے بعدتمام چیک پوسٹیں ختم کرنے کا حکم دیا جس کے محض ایک ہفتے بعد پہلگام حملہ ہو گیا، کیا یہ محض اتفاق ہی سابق بھارتی فوجی اہلکار کا کہنا تھا کہ مقبوضہ کشمیر میں تمام دہشتگردی کی پشت پناہی مودی اور امیت شاہ کرتا ہے۔

مودی، امیت شاہ اور آر ایس ایس پہلگام جیسے جعلی حملوں کے اصل ماسٹر مائنڈز ہیں۔ دفاعی ماہرین کا کہنا ہے کہ بھارتی فوجی کے انکشافات نے مودی کے فالس فلیگ نیٹ ورک کا بھانڈا پھوڑ دیا ہے ۔ مودی سرکار انتخابی فائدے کے لیے ملک کو خون میں نہلانے سے بھی گریز نہیں کرتی۔