لانڈھی میں ڈاکوں کی فائرنگ سے راہگیر لڑکا جاں بحق، خاتون زخمی

بچہ اپنی خالہ کے ساتھ دکان پر چیز لینے کے لئے آیا تھا، پولیس حکام

جمعرات 15 مئی 2025 22:15

کراچی(اُردو پوائنٹ اخبارتازہ ترین - این این آئی۔ 15 مئی2025ء)کراچی کے علاقے لانڈھی میں ڈاکوئوں کی اندھا دھند فائرنگ سے راہگیر لڑکا جاں بحق ہوگیا جبکہ خاتون شدید زخمی ہوگئیں. پولیس نے جائے وقوع کی سی سی ٹی وی فوٹیج حاصل کرکے ملزمان کی تلاش شروع کردی ہے۔

(جاری ہے)

ریسکیو زرائع کے مطابق لانڈھی 89 کے علاقے میں ڈاکوں نے شہری سے موٹر سائیکل چھیننے کی کوشش پر مزاحمت پر ڈاکوں نے سیدھے فائر کیے جو دکان پر اپنی خالہ کے ساتھ چیز لینے کے لئے آنے والے 12 سالہ شانی کے سر میں لگے جبکہ اس کی خالہ خاتون رانی بھی شدید زخمی ہوگئیں ۔

بچے کے ماموں نے بتایاکہ شہری ڈاکوئوں کے رحم و کرم پر ہیں جب جہاں دل چاہتا ہے ڈاکو گولی چلاتے عام شہری دنیا سے رخصت ہو جاتا ہے لیکن ان ڈاکوئوں کو لگام ڈالنے والا کوئی نظر نہیں آتا۔ انہوں نے کہا کہ ہم غریب لوگ ہیں ہمیں انصاف فراہم کیا جائے۔کورنگی پولیس نے واقعے کے مقام پر پہنچ کر فارنسک ٹیم کی مدد سے شواہد اکھٹے کر لئے اور ملزم کی تلاش شروع کردی ہے۔ رواں برس ڈکیتوں کی فائرنگ سے جاں بحق شہریوں کی تعداد 40 ہوچکی ہے۔